د ایران د اسلامی شورامشر په سوشل میډیا کې د یوه پیغام په خپرولو سره، د امریکا پرېکړه کوونکو او خلکو ته په خطاب کې ولیکل: که ناسمه لاره وټاکئ، هېڅ ګټه به ترلاسه نه کړئ؛ ټولې پایلې به تراخې او تورتمې وی.
د ترکمنستان د انرژۍ وزارت یو چارواکی وایی، د کرکی–کابل برېښنا لېږد پروژې په بشپړېدو سره به افغانستان ته د 800 مېګاواټه برېښنا د لېږد زمینه برابره شی او ټاکل شوې چې د دې پروژې د دشت الوان–ارغندۍ برخه د 2027 کال په جون میاشت کې ګټې اخیستنې ته وسپارل شی.
د راپورونو له مخې، د یونان پارلمان یو قانون تصویب کړی چې له مخې یې له 15 کلنو کم عمره ماشومانو لپاره د ټولنیزو شبکو کارول منعه کېږی.
د روسیې ولسمشر ولادیمیر پوتین ویلی چې د اوکراین د جګړې د حل لپاره راتلونکې خبرې باید د روسیې او اوکراین د امنیت د تضمین او همدارنګه د اروپا د امنیتی چوکاټ پر موضوع متمرکزې وی.
د ایران د بهرنیو چارو وزیر، په تېرو درېیو کلونو کې د اسرائیل پر توغندیز دفاعی سیسټم د امریکا د 11 میلیارد ډالرو لګښت ته په اشاره ویلی چې د دغه ملاتړ لګښت د امریکایی مالیه ورکوونکو له پیسو ورکول کېږی.
د راپورونو له مخې، د چین د شاندونګ ولایت له لین یی ښاره د افغانستان حیرتان بندر ته د سوداګریزو توکو لومړنی مستقیم اورګاډی چې د شاوخوا اته میلیونه یوانو په ارزښت توکی پکې بار دی، راروان شوی دی.
د افغانستان د فوټسال ملی لوبډلې د برازیل په شپږاړخیزو سیالیو کې د دغه هېواد د لوبډلې پر وړاندې په ماتې خوړلو سره دویم مقام ترلاسه کړ.
په دې لوبه کې حمیدرضا حسینی د دوه ګولونو په وهلو سره د افغانستان په بریا کې مهم رول ولوباوه. سیدحسین موسوی او امید قنبری هم د هېواد د ملی لوبډلې لپاره یو ـ یو ګول وواهه.
د ریاست الوزراء اقتصادی مرستیال د اړمنو هېوادوالو د لاسنیوی ځانګړې اوونۍ په اړه جوړه شوې غونډه کې د اړمنو هېوادوالو پر لاسنیو د ټېنګار ترڅنګ وویل، دا عادلانه نه ده چې یوناما په خپلو راپورونو کې د افغانستان اقتصادی او امنیتی لاسته راوړنې له پامه غورځوی او «د یو مقابل او متخاصم طرف په څېر په منفی ابعادو پسې ګرځی.»
د افغانستان لپاره د ملګرو ملتونو د سرمنشی ځانګړې استازې او په افغانستان کې د ملګرو ملتونو د مرستندوی پلاوی (یوناما) نوې مشره رباب فاطمه کابل ته راغلې او خپله دنده یې پیل کړې ده.